Washington, Nailar:
Ka United States bad ka Pakistan ha ka Sngi Ba-ar ka la pynlong ia ka jingiakren kaba thymmai haba iadei bad ka jingiakhun ban tehlakam ia ki kam thombor jong ki lehnoh hapoh bad shabar jong ka ri.
Baroh ar tylli ki ri, ki la ïakren halor ka jingdonkam kaba kongsan ban thaw lad- thaw lynti kumno ban lah ban ïakhun pyrshah ïa ki jingma jong ki kam thombor ki lehnoh bad wat ban pynduh jait noh syndon ruh ia ki, kynthup ïa kito kiba wan na ka Balochistan Liberation Army (BLA), ka ISIS-Khorasan bad ka Tehreek-e-Taliban Pakistan (TTP).
Namar ka ri America ha ka Sngi Nyngkong ka la jer kyteng bad ñiew ia ka kynhun pyniakhlad ia ka BLA kum ka seng lehnoh bar ri.
