Shillong, Nailar 14
Ka Shillong Sports Association (SSA) ka la pynbna ba kan sdang noh ïa ka Second Division Football League Cum Knockout Tournament 2025 naduh ka 18 tarik mynta u bnai.
Ha kane ka lympung ki don 16 tylli ki kynhun ha kaba la phiah ha ki 3 tylli ki group. Ha ka Group-A ki long ka Umpung SC, Jongksha SC, Mawpat SC, Myliemlum SC bad Lumshyiap SC. Ha ka Group-B ki long ka Latkyrhong, Umphyrnai, Marbisu, Smit bad ka Nongmensong SC. Ha ka Group-C ki kynthup ïa ka Mawryngkneng, Tynring, Sohryngkham, Umprup, Sohïong bad ka Pay for Right Football Academy.
Ka jingïalehkai ha katei ka sngi sdang kan long hapdeng ka Umpling pyrshah ïa ka Jongksha ha ka por 12:15 mynsngi, katba ha ka sngi kaba bud (19 tarik) ka Mylliemlum pyrshah ïa ka Lumshyiap.
Ki kynhun ki ban wan ha ka kyrdan ba hakhlieh bad ba-ar ha kawei pa kawei ka group kin ïoh rung sha ka quarter final, kaba la thmu ban long naduh 15 haduh 18 tarik u Nailur.
