Imphal, Nailar:
Ha ka jingbteng ban ïakhun pyrshah ïa u drok, ki pulit ka Manipur ki la kem ïa saw ngut ki nongkhaïi tuh, kynthup ïa arngut ki kynthei, bad kurup ïa u Brown sugar ba shongdor kumba 1 klur tyngka katkum ka dor khaïi pateng ha ka pyrthei, hynriew tylli ki Mobile, bad kawei ka kali saw shaka.
Ka kynhun ka la bat ïa kawei ka kali saw shaka kaba ïaid bad haba la khmih bniah ïa katei ka kali, ki pulit ki la ïoh ban kurup ïa 174 tylli ki synduk sabon kiba don ïa u Brown Sugar uba shong dor kumba 1 klur tyngka ha ka ïew pyrthei bad 6 tylli ki Mobile Phone.
Ka jingtohkit ïa kiba la shahkem ka dang ïai bteng bad ki pulit ki don ka jingangnud ban khanglad ïa ka jingshalan tuh ïa u drok ha ka thaiñ bad ban pynthikna ïa ka jinglong jingman kaba kham shngaiñ na ka bynta ki nongshong shnong ha ka thaiñ.
