Shillong, Nailar 17
Ka kynhun ki ‘thei ïalehkai Under-17 ka Nongiri Presbyterian Secon-dary School na Ri-Bhoi District ka la mih na ka nongbah ban leit shim bynta ha ka 64th International Subroto Mukherjee Cup Football Tournament 2025 ka ban long ha ka nongbah New Delhi.
Ïa kane ka lympung yn sdang naduh 19 tarik bad kan kut ha ka 28 tarik mynta u bnai.
Ha kane ka lympung, ka Nongjri ka la don ha ka Pool-D kaba kynthup lang ïa ka International School Sports Organisation (ISSO), Chandigarh bad ka Dadar and Nagar Haveli and Daman and Diu (DNH&DD).
Te kumta ka Nongjri kan ïakhun nyngkong pyrshah ïa ka ISSO ha ka 20 tarik mynta u bnai ha ka por 6:15 mynstep, kumjuh ïa ka Chandigarh ha ka 21 tarik bad ïa ka DNH&DD ha ka 22 tarik.
Hashwa ba katei ka kynhun kan mih na ka nongbah, na ka liang ka tnat ïalehkai ka Sorkar Jylla ka la pynlong ïa ka jingïalang ban ai ka jingkitbok kitrwiang ha ryngkat ki jingkyrkhu kyrdoh ïa katei ka kynhun ha ka 14 tarik mynta u bnai.
Ha katei ka sngi la ïadon lang u Director u D.D. Shira, kumjuh u Assistant Director Bah Shri Khroobok Passah, Kong Darleen M. Khonglam, Sports Officer, u District Sports Officer, Ri-Bhoi Bah Bobby Nongbet, Kong Princess Khongbeh, Head Mistress ka Nongiri Presbyterian lem bad ki khynnah.
