Imphal, Nailar:
Ki bor pahara ha Manipur ki la pynjur ïa ki kam wad bniah da kaba pynshong nongrim ha ki jingtip ba bniah bad ki kam khanglad ban pynduhjait ïa ki nonglute, ki nongrah kali, bad kiwei kiwei ki kynhun runar ha kylleng ka jylla.
Ha ka 16 tarik Nailar, ki bor pahara ki la kem ïa uwei u dkhot ba ehrang jong ka kynhun RPF/PLA ba la shah ñiew beaiñ, ïa uba la tip kyrteng kum u Mayengbam Jibon Singh (51) na Patsoi Part 4, Imphal West district, na ka jaka sah jong u. La kynnoh ba u Singh u donkti ha kaba dawa pisa na ki dukan, ki jaka khaïi, bad ki paidbah nongshong shnong ha ka thaiñ. Na ka kti jong u la kurup ïa kawei ka mobile handset bad ka Aadhaar card.
Ha kawei pat ka jingkhynra ha katei kajuh ka sngi, ki pulit ka Manipur ki la ïoh ban kem ïa uwei u nongtuh kali uba la tip kyrteng kum u Md. Nawas Khan (31) na Tentha Makha Sangaiyumpham Mairenkhun, Thoubal distrik hajan ka District Hospital. Ki pulit ki la iïh ban kurup ïa kawei ka kali ar shaka kaba la shah tuh kaba la tip kyrteng kum ka Honda Pleasure kaba don ïa u (Regd. No. MN01AL8555), na ka jingkhmih bniah na u.
Kum shi bynta ban bteng ban ïakhun pyrshah ïa ki jingpynkheiñ aiñ ïa ki kali, ki pulit ka Manipur ki la pynmih 27 tylli ki Challan ha ka 16 tarik u Nailar, kaba kot sha ka T.71,000, katba ïa ki phlim tinted na ki phra tylli ki kali la weng noh ha ka sngi ba la rakhe ïa ka Independence Day ha ka 15 tarik u Nailar. Shwa ïa kane, ha ka 14 tarik u Nailur, la weng ruh ïa ki phlim tinted na ki hynñiew tylli ki kali.
