Sulawesi, Nailar:
Da ki ‘phew ngut ki briew ki la mynsaw hadien ba u jumai uba haduh 6.0 ka jingkhlaiñ, u la pynkhynñiuh ia ka phang pdeng jong ka nongbah Sulawesi, hapoh Indonesia, ha ka step Sngi U Blei. Ka jingjylliew jong utei u jumai ka long 10 Km lane kumba 6.21 Mer, katkum ka jingbuh jingkheiñ jong ka tnat BNPB. Bad utei u jumai u la pynkhynñiuh jur ia ka thaiñ Poso Regency bad la iohsngew pat na ki thaiñ ba marjan.
La ong ba, napdeng jong ki 29 ngut kiba mynsaw ha kane ka jingjia, 2 ngut ki dei kiba la mynsaw jur bha, katkum ka kaiphod ba la pyllait da katei ka tnat ba dei khmih.
Tad haduh kane ka step Lah Sngi U Blei, ym pat shym la ioh jingtip pat, la ki don ne em kiba khlad noh syndon na katei ka jingjia ba sngewsih ha katei ka sngi.
Namar la ong ba ka Indonesia, ka dei ka ri kaba don ha bynta kaba ap jingma bha na ki bor jong ka mariang, kaba ki ju khot ka ‘Ring of Fire’, kaba long ruh ka bynta jong ka pyrthei, kaba sakhi ia shibun bah ki jumai, ban ianujor bad kiwei pat ki ri, namar ba ka don ha katei ka bynta jong ka pyrthei, ka bym long shngaiñ.
