New Delhi, Nailar 18
Hapoh ka prokram ‘Youth Parliament’ jong ka tnad Parliamentary Affairs, la pynlong ïa ki jingïakop bapher-bapher na bynta ki skul ha Delhi, ki KendriyaVidyalaya, ki Jawahar NavodayaVidyalaya bad ki skulbah/kolej ha kaba palat 5 lak ngut ki samla pule ki la ïashim bynta haduh mynta.
Ïa kine ki jingïakop, ym shym la pynlong katkum ka Jylla, hynrei katkum ka rukom pynïaid jong ki seng ba don bynta.
Ban kyntiew ïa ka jinglah ban ïoh bad ka jingktah ka prokram ‘Youth Parliament’ jong ka tnad sha ki bynta bad ki thaiñ jong ka ri ki bym pat ïoh ïa kane haduh mynta, la pynbiang ïa ka ‘web-portal’ jong ka National Youth Parliament Scheme (NYPS) sha baroh ki jaka pule/ki kynhun/ki nongshong shnong jong ka ri ban ïashim bynta ha ka rynsan lyngba ka jingïashim bynta ki jaka treikam bad ki kynhun ban pynlong ïa ki jingïalang jong ka ‘Youth Parliament’ bad ka jingïashim bynta shimet lyngba ka ‘Quiz’, katkum ka phang pdeng – ‘Bharatiya Democracy in Action’.
Ki jaka pule/ki kynhun ki lah ban pynlong ïa ki jingïalang jong ka ‘Youth Parliament’ katkum ki jingbthah kiba don ha ka rynsan, ban ‘upload’ ïa ka dur-khih, ki dur bad kiwei-kiwei jong ki jingïalang bad ïoh ïa ki ‘Digital Certificate’ na ka rynsan.
Ïa ki tiar ‘digital’ kum ki ‘e-training’, kata ki kot kiba ïadei bad ka ‘Youth Parliament’, ka ‘Model Debate’, ki ‘Model Question’, ‘Model List of Business’, ki ‘Model Script’, ki ‘Video Tutorial’, bad kiwei-kiwei ki lah ban ïoh kum ki lad jinghikai ha ka ‘web-portal’ jong ka NYPS kaba lah ban ïoh na ka www.nyps.mpa.gov.in.
Ïa kane ka jingtip la ai da u Myntri Khynnah ba dei khmih ïa ka tnad Parliamentary Affairs bad Information & Broadcasting, u Dr. L. Murugan ha ka jubab ba shu thoh ha Rajya Sabha ha ka Lah Sngi U Blei.
