Shillong, Nailar 18
Ka lympung ïalehkai “Independence Trophy” ba la pynlong ha La Kyrkhu Futsal kaba ha Jaïaw Lumbatemon ka la poi sha kaba kut ha ka 15 tarik u Nailar 2025.
Ha kane ka sngi pynkut ïa katei ka lympung la ïadon lang u MLA ka 17 North Shillong u Bah Adelbert Nongrum kum u kongsan ryngkat u Rangbah Shnong ka Jaïaw Laitdom Bah Mut Kharbyngar lem bad kiwei kiwei.
Haba phai sha ka jingïalehkai ha katei ka sngi, ka Arsenal FC ka la pynliem noh ïa ka Seeker FC da 2-1 kol na ka bynta ban khur syndon ïa ka nam lahduh.
