Kinshasa, Nailar:
Katkum ki khubor, la ong ba kumba 52 ngut ki paidbah nongshong shnong ka thaiñ Beni bad ka Lubero, ha ka jingleit thombor jong ki lehnoh ba don jingiadei bad ki kynhun lehnoh Isalmic ba shyrkhei sha ka phang Mihngi jong ka Democratic Republic of Congo.
La ong ba kitei ki lehnoh Allied Democratic Forces (ADF) ki leit ban kput ia ki paidbah hadien ba ki la shah rem ha ki shipai Congolese, la iathuh u Lamphang jong ka tnat shipai, u Lieutenant Elongo Kyondwa Marx haba iakren bad ki nongthoh khubor ha katei ka sngi.
La ong ba, ha ka por ba ki leit poi sha kitei ki shnong, kitei ki lehnoh ki la kyrsiew shwa ia ki paidbah bad ki la pynshong ia ki baroh shi jaka, ki la the ia ki da ki tyllai bad hadien kata, ki la tied la shoh beiñ ia ki haduh ba kin da mynsaw jur bad haduh ba kin da khlad noh syndon.
