Shillong, Nailar 19
Ka Meghalaya Cricket Association (MCA) ka la pyllait paidbah ïa ki kyrteng ki ‘thei ïalehkai U-15 bad U-16 ki khynnah shynrang, kum shi bynta ka jingpynkhreh jong ki ban aireng ha ki lympung ïalehkai ki ban wan jong ka BCCI na ka bynta ka samoi ïalehkai 2025-26.
Kat kum ka kyrwoh, ka jingpyllait ïa kine ki kyrteng jong ki khynnah ïalehkai ka long hadien ba la bthah bad jurip bniah ïa ki syrnot sngi kha lyngba ka Age Verification Process (AVP), ïa kaba la ïaid lyngba ruh da ka TW3 Bone Test, ha kaba ïa ka jingpyntikna ïa kine baroh yn sa pyntip pat hadien.
Kat kum ba la bthah da ka BCCI, ki nongïalehkai kiba ka kyrteng ka jong ki, ka la ïoh ba kan rung sha kane ka thup ïalehkai, ki dei ban don lang ha ka AVP ïa ki syrnot (certificate) sngi kha, Aadhaar card, school marksheet jong ki lai snem, ka school bonafide certificate (ha ki lai snem kiba la dep) bad lada jia ba nongïalehkai ki la kylliang noh sha kiwei pat ki skul, donkam ban don ïa ka syrnot sngi kha, ka syrnot jingpynshisha ba don ka jingsoi bad ka muhor da ki bor pynïaid skul.
Kitei ki jingbthah haneng ki long kiba donkam bad lada ki nongïalehkai kim lah ban pynbiang ïa ki, kin nym lah ban leit sha ka test jong ka AVP.
Haba ïadei bad kane, ka MCA ka kyntu ïa ki nongïalehkai bad kumjuh ïa ki dkhot jong ki synjuk ïalehkai jong ki District ba kin pyntikna ba ïa ki kot ki sla ba donkam dei ban pynbiang thik pa thik hashwa ban leit sha ka AVP, ha ka juh ka por ka MCA ka pynpaw ba baroh ki syrnot kiba donkam dei ban long ha ka dur jong ka ‘original copy’ bad dei ban rah lang ha ka sngi ba pyndep ïa ka TW3 Bone Test.
Ïa ki jingtip kiba kham bniah lah ban leit wad na ka ophis treikam ka MCA ne na u Cricket Operations, bah Shining Star Lyngdoh on 9485098921.
Ki kyrteng ki ‘thei ïalehkai U-15 ki long ka Janvi Kumari Sah, Enibisa R. Marak, Lawanjingkyr-men Lyngkhoi, Charkicha Momin, Laviola L Mawlong, Aviana Myr-thong, Prisceca Nongpiur, Onasa M Sangma, Ribakordor Nongsiej, Ida-tyngkai Marngar, Badphishyrta L Nonglait, Anuradha Gurung, Amrik -chi D Shira, Jambera N Marak, Phibanylla Tongwah, Saramanbha Khongsti, Phibankheiñkor Marba-niang, Mebalapynkmen Syiemlieh, Norida Marngar, Meaikyntiiaka Warjri, Haphilahun Makri, Akansa M Sangma, Iarikmenlang Khar-bteng, Darijanai Synnah, Mugdha Bhattacharjee, Aniesha Arengh, Anowesa M Marak, Nemaisa M Sangma, Cheasa K Sangma, Nishi-ka Tamang, Ribanhun Mawlong, Dawanpynkmen Nongphud & Banchimik R Sangma.
Ki kyrteng ki rangïalehkai U-16 ki long u Suraj Chettri, Keshab Shah, Panlyson Bareh, Anmol Shah, Phrangborlang Syiemlieh, Soham Shah, Gautam Paul, Prasant Kumar, Anish Kedia, I Thuh Bha Dkhar, Ryan Wilson Malngiang, Phibanai-bor Ïawphniaw, Ynsanhame Tang, Rooney L Nonglait, Nobojit Chettri, Sunshine Star Nongsiej, Menang Shangpliang, Aniket Poddar, Arav Baraily, Navneet Shah, Steviericson Ïawphniaw, Generous Dkhar, Che-niang CN Marak, Raian N Marak, Nikhil Dkhar, Pynskhemlang Nong-siej, Jopshwa L Mawnai, Naitik Singhania, Daniel Maring, Wadki-damei Lapasam, Pynkhraw Jomati, Waibhami Ryngkhlem, Andrew-starfield Rani, Gilford Ïawphniaw, Sendo M Sangma, Leangku N Sangma bad u Ishan Saha.
