Khliehriat, Nailar 20
Ka Wapungskur Sports and Social Welfare Organisation (WSSWO) ka khot bad wer ïa ki klob bad ki kynhun ïalehkai phutbol ban ïashim bynta ha ka 31st Gold Cup Knockout Football Tournament ïa kaba yn pynlong ha madan Wapungskur, East Jaiñtia Hills District.
Ka jingpynïakap ïa ki kynhun (drawing date) kan long ha ka 9 tarik u Nailur. Ka lahduh ha kane ka lympung kan ïoh rah ïa ka song pisa kaba T. 3,00,000 lak tyngka bad ka ksiar shiteng tola lem bad ka trophy. Katba ka ban wan ba-ar kan ïoh T. 2,00,000 lak tyngka ryngkat ka trophy. La pynkhreh ruh ïa ki khusnam shimet kata Best Player bad Best Goalkeeper da ki Trophy.
Kane ka lympung ka dei kaba la pynlong manla u snem na ka bynta kyntiew ïa ka phutbol ha ka thaiñ. Ïa ki jingtip ba bniah ki lah ban phone ïa u President WSSWO, Bah Shwari Ryngkhlem (8837348828), Secretary WSSWO Bah Pynshlurmi Siangshai (8794617992).
