Aizawl, Nailar:
Ka dorbar Lyiur kaba ar sngi jong ka Mizoram Legislative Assembly kumba la pynbeit kan sa long ha ka 27 bad 28 tarik u Nailar, la ong u heh sorkar ha ka lah sngi U Blei.
Ka jingïalang jong ka Business Advisory Committee (BAC) kaba la pynïaid da u Lamphang ka Mizoram u Lalbiakzama, dang shen ka la thaw ïa ka prokram kaba bniah bad rai ba ka dorbar ban wan kan neh ar sngi, u la ong.
Utei u heh sorkar u la ïathuh ruh ba ka Assembly Secretariat haduh mynta ka la ïohpdiang ïa kawei ka bill bathymmai, ‘The Mizoram Local Body Ombudsman Bill, 2025,’ bad ka bill pynkylla na ka tnad Land Revenue, ïa baroh ar yn sa wanrah ha kane ka dorbar kaba ar sngi.
Nalor kata, kawei ka rai ba tikna na ka tnad ba dei khmih ïa ki khlaw, 350 tylli ki jingkylli ba la jied kyrpang bad 124 tylli ki jingkylli ki bym pat ai jied ban hap ai jubab ba ïoh pdiang haduh ka lah sngi U Blei ban wanrah bad jubab da ki Myntri kiba dei peit ha ka por ba shong dorbar, u la ong.
Ka dorbar tlang kaban sa wan kan dei ka dorbar kaba san na kaba khyndai mynta jong ka State Legislative Assembly hadien ba ka Zoram People’s Movement (ZPM) ka la wan ha ka bor ha u bnai Nohprah, 2023, la bynrap shuh shuh u heh sorkar.
