Shillong, Nailar 21
Kawei ka longkmie ka la lait im da ka said na ka kti jong uwei u runar uba la pyrshang ban ksih ïa ka, da ka jingthmu ban pynïap ïa ka.
Katkum ka khubor kaba la ïoh na ki pulit la ong ba kawei ka longkmie ka la ai ka jingujor ba ha ka 17 tarik mynta u bnai, ha ka por kumba 7.30 janmiet, uwei u runar bym lah ban ithuh, u la lute ïa ka pisa kaba long T.16 hajar bad ka mobile phone ka jong ka bad hadien kane, u la pyrshang pat ban ksih ïa ka da ka jingthmu ban pynïap ïa ka.
Kane ka jingjia, ka la jia ha ka shnong Moopynieiñ, Tyrshang kaba hap hapoh ka West Jaiñtia Hills. Ha kaba ïadei bad kane ka jingjia, ki pulit ki la kem noh ïa uwei u briew ba la tip kyrteng kum u Daribok Myrsing.
