Shillong, Nailar 21
Ka kynhun ïalehkai ka Hunter FC, ka la long ka lahduh ha ka Independence Cup, ba la pynïaid da ka Seng Samla bad ka Sports Club jong ka dong Riat Laban-Kynjah Phutbol, Shillong, kaba la long ha ka madan ïalehkai ba ju tip kum ka Madan Rit.
Kane ka jingïakob ba la pynlong ha ka 15 tarik Nailar 2025, ka long artad kum shi bynta ka jingïasnohkti lang da ki paid nongshong shnong jong kane ka dong ban rakhe ïa ka sngi laitluid jong ka ri India.
Haba phai sha ka jingïakhun ka la long kaba ïakhaid bad biang bor bha, ka Hunter FC ka la lah ban pynliem lyngba ka tie-breaker ïa ka Tylli Kawei FC, hadien ba kine ki kynhun ki la ïakhaid mar shi kol.
