Shillong, Nailar 21
Ka kynhun ïalehkai jong ka Lava Sport Club ka la ïoh ban rah ïa ka nam lahduh jong ka lympung ïalehkai ba la tip kum ka Independence Cup, ïa kaba la pynlong da ka Seng Samla Mawkynroh Umshing.
Haba phai sha ka jingïalehkai final kaba la pynlong ha ka 15 tarik mynta u bnai, ka Lava ka la lah ban pynliem noh ïa ka No Limited da 2-1 kol ha ka jingïalehkai kaba itynnad bad kaba ïakhaid bha, ba la pynlong ha madan ïalehkai jong ka shnong Mawkynroh Umshing.
Ha kane ka lympung, ki kynhun kiba la wan ïashim bynta baroh ki don haduh 16 tylli.
Ha ka sngi pynhap pyrda ïa kane ka lympung, u Rangbah Shnong ka Mawkynroh Umshing u Bah L. Nongkhlaw u la ïadonlang kum u kongsan, u President ka Seng Samla Mawlai Pyllun u Bah Samuel Biam kum u symbud kongsan, lem ki dkhot jong ka executive committee ka Dorbar Shnong, ki nongïalam ka Seng Samla Mawkynroh Umshing kata President samla Pyndap Nongkhlaw, Secretary samla Pynbhalang Khyriem lem bad kiwei kiwei.
