Shillong, Nailar 22
Ka lympung ïalehkai ka SSA 2nd Division Football League 2025 ka la bteng mynta ka sngi Thohdieng ka 22 tarik Nailar 2025 ha madan SSA Ground.
Ka jingïalehkai kaba nyngkong ka la long ha ka por 11:15 mynstep, ka jingïakhun ka long hapdeng ka Mawpat SC bad ka Umpling SC. Ka Mawpat SC ka la jop da 2 kol lyngba u Thomson Lyngdoh ha ka por 53 & 66 minit, bad ka Umpling SC ka la ïoh tang shi kol lyngba u Firstborn Marwein ha ka minit ba 79.
Ha ka jingïalehkai ka ba ar ha kane ka sngi ha kajuh ka jaka ha ka por 1:45 shiteng sngi ka Mawryngkneng SC ka la pynliem noh ïa ka Sohiong SC da 2-0 kol ha ka ba u Andy Kharsati u la ïoh thep kol ha ka minit ba 50 bad u Banker Mynsong ha ka 63 minit.
Kane ka lympung kan bteng lashai ka sngi Saitjaiñ 23 tarik Nailar 2025 ha madan SSA Ground. Ka jingialehkai kan sdang ha ka por 1:45 nohphai sngi hapdeng ka Smit SC pyrshah ïa ka Nongmynsong SC.
