Jowai, Nailar 22
Ka lympung ïalehkai Super Division-Kelsiroy Pala Memorial bad 2nd Division-Joybell Suiam Memorial Football Tournament bala pynïaid da ka Thadlaskein Sports Association (TSA) kala bteng ha madan Wahiajer Multi Sports Complex.
Haka jingïalehkai 2nd Division kaba la long haka 22 tarik Nailar ka Tympang SC kala pynliem da 5-2 kol ïa ka Pdeinlum SC.
Ïa ki kol jong ka Tympang SC la thep da u Shining Muktieh (13), Dame Lakiang (28), Willbert Suja (38), Rimiki Phawa (46), Rupaia Dkhar (48). Katba ïa ki kol jong ka Pdeinkum SC la thep da u Beb Suting (16) bad Ebiang Shadap (42).
Ha ka jingïalehkai kaba bud ka jingïakhun ka la kut khlem da lah ban pynkhih jar hapdeng ka Maia Club bad Myngkrem SC.
Haka jingïalehkai Super Division, ka Wahiajer SC kala pynliem ïa ka Mukhla Raij da 1-0 kol lyngba ka kol ba la thep da u Niki Pakma (p) 34. Katba ka Nongkhroh rim ka la pynliem ïa ka Heibor iong-I FC da 3-1 kol. Ïa ki kol jong ka Nongkhroh rim la thep da u Wanme Dkhar 2 (own goal) bad Rahbok Synnah (86), (90+3). Katba ïa ka kol jong ka Heibor iong-I FC la thep da u Edwardson Shylla 33.
Ha ka 23 tarik Nailar ka jingïalehkai 2nd Division kan long hapdeng ka Thadmusem bad Nongkhroh Sohbar ha ka por 9.00 baje mynstep, ka Tyllilang I Moobakhon bad Myntoilang I Bamkamar ha ka por 11.00 baje mynstep, katba ha ka Super Division ka Niriang bad Mookyndur ha ka por 1.00 baje nohphai sngi.
