Jowai, Nailar 22
Ka Kashari Special Judge (POCSO), West Jaiñtia Hills District, ka la pynrem bad pynshitom ïa u Passti Latam (20 snem) ha ka jingshah set phatok kaba 23 snem ryngkat ka kuna kaba T.51,000 na ka bynta ki kam runar katkum ka Section 5(g)/6 jong ka POCSO Act bad Section 448 IPC.
Kane ka mukotduma ka mih na ka ejahar ba la mudui ha u bnai Ïaiong 2021, kaba la pynpaw ba utei u nongshah kynnoh u la rung be-aiñ ha kawei ka ïing ha kawei na ki shnong ha West Jaiñtia Hills ha u bnai ïaiong 2021 bad leh bei-jot ïa kawei ka khynnah kynthei kaba dang 16 snem ka rta hadien ba u la beh noh ïa ki khynnah kiba don hangta.
Ïa kane ka kam la pynrung jingujor ha Jowai Police Station katkum ka Case No. 43(4) 2021 bad la tohkit da ka Women Police SI N. P. S. Marak.
Hadien ba la bishar, ka ïingbishar ka la lap ba u Latam u donkti bad kala pynshitom ïa u ha ka 20 tarik u Nailar, 2025.
