Shillong, Nailar 24
Ka Meghalaya ka la mad ïa ka jingshah haduh 7-0 kol ha ka Jharkhand ha ka jingïalehkai kaba khatduh jong ka Group-A ha ka Sub-Junior Girls’ National Football Championship (Tier 1) 2025-26 ha ka sngi U Blei ha ha Jorhat, Assam.
Ka Anamika Kumari ka la khur ïa ka hat-trick hadien ba ka la ïoh ban thep ha ka minit kaba 22, 48 & 81, katba ïa kiwei pat la thep da ka Anshu Oraon (45+3), Pooja Kumari (78), Nensi Munda (83) bad ka Khusbu Tigga (90+4).
Kumba ka paw ha kane ka lympung, ka Meghalaya ka la jop tang shisien bad shah rem ar sien. Te kumta ka la duh noh ïa ka lad ban ïoh rung sha kawei pat ka wat jingïakhun.
