Shillong, Nailar 24
Ki Pulit jong ka South West Garo Hills ki la ïoh ban kem noh ïa ki ar ngut ki briew halor ka jingsuba ba ki lah ban dei ki nongkhaïi drok.
Ka jingïoh bat ïa kine ki briew ka la long hadien ba ki pulit ki la ïoh jingtip na ki tnat syntiat bad ha kaba ki la pynap shrip ïa ki nongkhaïi beaiñ kiba kit ïa ki dawai kuli Yaba ha ka janmiet ka sngi Thohdieng ha ka surok lai dong ka shnong Kalaichar.
Ha ka jingkhynra, ar ngut ki briew ki la shah kem ki dei kiba tip kyrteng kum u Dil Islam, 40 snem ka rta bad u Faruk Sk, 50 snem ka rta, katba ki dang shong da kawei ka arshaka kaba don u nombar ML08-D-5693.
Na kine ki arngut, ki pulit ki la ïoh ban kurup haduh 1910 tylli ki dawai kuli ryngkat ka pisa T.34,500. Ki Pulit ki dang pynlong ïa ka jingtohkit ban lap ïa ki jaka ba la wanrah ïa ki dawai kuli Yaba bad ïa kiba donkti ban khaïi ïa une u jingdih pynbuaid.
