Jowai, Nailar 24
U Bah Sniawbhalang Dhar uba dei u Symbud Myntri Rangbah ka jylla bad MLA ka thaiñ ha ka 23 tarik Nailar u la leit ai mynsiem bad kner jingïarap sha ka kawei ka longïing kaba la mad ïa ka apot sepsngi na ka jingduh noh ïa ki ar ngut ki khun kynthei ha ka jingpluh ka ïingsah ka jong ki.
Ïa kane ka ïing la dei trai da ka Kong Virginia Lyngdoh bad Ma Shanbor Pasi ha ka shnong Namdong-A, kaba hap hapoh ka Nartiang Constituency.
Kane ka jingjia pluh ding ka la jia ha ka miet 8 tarik Nailar, katba ki arngut ki khun kynthei kiba don ha ka rta 1 snem bad 12 snem ki dang ïohthiah lyngngai.
La suba ba ka jingpluh ding ka dei na ka jingthang mombati hynrei da ka jingkloi ki paidbah ban ai jingïarap la lah pat ban pyllait im ïa lai ngut ki mynsiem kiba don ha kawei pat ka kamra thiah.
U Bah Sniawbhalang Dhar u la ai mynsiem ïa u kpa bad ka kmie ryngkat ka jingkner jingïarap na ka bynta jong ki.
La synran ïa u Bah Sniawbhalang Dhar da ki nongïalam bad dkhot nongkitkam ka Dorbar Shnong Namdong-A ha ryngkat ki riew rangbah bad ki samla napoh ka Nartiang Constituency.
