Shillong, Nailar 24
Ka jingshna ïa ka surok Western Bypass na Sumer ha Ri Bhoi District ka ban mih sha Mawmaram ka East Khasi Hills kala ïaid shakhmat, hynrei ïa mynta kala kham suki namar ki dang shna ïa bun tylli ki jingkieng ha kane ka surok.
Ka jingshna ïa kane ka surok kala sdang na Sumer ha Ri Bhoi District bad kane ka jingtrei kala ïaid shakhmat bad mynta ki dang shna ïa ki jingiakieng ha ki wah bad haduh ka shnong Nongkyndong ki jingkieng kila jan dep lut.
Ha bun ki jaka byn don jingkieng, ka jingtih ïa ka surok kala ïaid shakhmat bad namar kane ka jinghap slap hateng hateng kila sangeh hynrei ka jingtrei ïa kane ka surok kala ïaid shakhmat bad ka kompeni ka don ïa ka jaka trei kam jong ka ha Mairung.
Haba ïoh ban ïakren bad ki briew kiba shong ba sah ha ka shnong Nongkyndong, kila pynpaw ïa ka jingsngew kmen ba kane ka surok ka ïaid na kane ka jaka bad ki khmih lynti da ka jingwan kane ka surok kan kyntiew ïa ka roi ka par ha kane ka thaiñ kaba la sahdien ha kine ki snem baroh shikatta.
