Washington, Nailar:
U Sergio Gor, u ba long u Director jong ka White House, ha ka Sngi Saitjaiñ, u la pynpaw ia ka jingsngewkmen kaba khraw bad u la ong ba u sngewnguh haduh katta ia u President ka ri- u Donald Trump, u ba la thung ia u kum u nongmihkhmat bad u nongrahktien jong ka US sha India bad kum u nongmihkhmat ba kyrpang naka bynta ki kam jong ka thaiñ South bad Central Asia.
Haba peit thuh lyngba ka X account jong u, u Gor, u la don 38 snem ka rta bad u la ong ba ka long ka burom kaba khraw eh ha ka jingim jong u, ban ioh long u nongmihkhmat naka bynta ka ri America.
Haba ai jingkren sha ki paidbah ha ki rynsan Social Media, u Gor u la ong “Nga sngewnguh ia u President Donald Trump naka bynta ka jingshaniah bad jingibit jong u, ban aiti bad jied ia nga ban long u nongmihkhmat naka bynta ka US bad kumjuh ruh kum u nongmihkhmat ba kyrpang naka bynta ki kam jong ka ri Asia ba Shathie bad ha ki thaiñ pdeng jong ka dew-bah Asia! Ym don kaei- kaei kaba la pynlong ia nga ban kham sngew sarong ban ia kaba shakri ia ki paidbah America lyngba ka jingtrei kaba KHRAW jong kane ka Synshar! Ka iing White jong ngi ka la ioh ia ka jingjop kaba khraw jong u! long ka burom jong ka jingim jong nga ban mihkhmat ia ka ri America”.
