Imphal, Nailar:
Ki bor pahara ha Manipur ki la kem ïa ki katto katne ngut ki lehnoh bad kurup ïa ki drok ha ki jingïaid lynti ha kine ki ar sngi ba la dep, katba ki dang bteng ïa ki jingpahara kiba pyrkhing bha ban pynthikna ïa ka jingïaid lynti kaba suk jong ki kali kiba kit ïa ki jingdonkam ba man ka sngi ha kylleng ka jylla.
Ka jingkhynra ka la nang jur hadien ka 23 tarik u Nailar, ha kaba uwei u dkhot jong ka kynhun Revolutionary People Front/People’s Liberation Army (RPF/PLA) u Oinam Bungobi Meitei ba la tip ruh da ka kyrteng kum u Langmei (31 snem) jong ka shnong Ishika Awang Leikai, Imphal East, u la shahkem na Chingarel Tejpur, Waiton Lamkhai. Ha ka jingkhmih bniah, la ïoh kurup ïa kawei ka Aadhaar Card na kti jong u.
