Shillong, Nailar 24
Ka Smit bad ka Nongmensong ki la ïasam shi point ha ka jingïalehkai jong ka Group-B ha ka Second Division Football League 2025 ba la pynïaid ka Shillong Sports Association (SSA) hadien ba ki la ïakhaid mar 1-1 kol ha ka sngi Saitjaiñ SSA Stadium kaba ha First Ground, Polo.
Tang mar ïasdang ka jingïalehkai ka Smit ka la ïoh ban pynkhih jar nyngkong eh lyngba u Apburom Nongrum (9?), hynrei u Shemphang Myrthong (77?) u la lah ban pynphai kylla ha ka kylla miet na ka bynta ka Nongmensong.
Kane ka long ka jingïalehkai kaba nyngkong na ka bynta ka Smit ha kaba ka aïom bad kan dei ka sien kaba ar ïa ka Nongmensong. Ha ka jingïalehkai ba nyngkong ka Nongmensong ka la ïakhaid mar 1-1 kol bad ka Marbisu myn ha ka 20 tarik mynta u bnai.
Ha ka lah sngi U Blei ka jingïalehkai ha ka Group-A kan long hapdeng ka Lumshyiap pyrshah ïa ka Mawpat ha ka por 11:15 mynstep ha SSA Stadium.
