Shillong, Nailar 25
Kawei ka samla lud kaba dang 17 snem ka rta, kala jah rngai mynta la 10 sngi na kawei ka dukan ba ka trei bylla, kaba don ha ka shnong Permadan, Eastern West Khasi Hills.
Kane ka samla ka kyrteng ka samla Ribaiahun Marngar kaba dei hi na ka shnong Permadan. Kane ka samla kala jah rngai naduh ka 15 tarik Nailar bad la leit ujor sha ki Pulit ka thanad Mairang ha ka 18 tarik Nailar.
Katkum ka jingïathuh jong u Superintendent of Police ka District, ki Pulit ki suba jur ba kane ka samla kala shah rahbor ha uwei u briew ba kyrteng u Thomborlang Sohphoh uba dei na ka shnong Umdum bad haduh mynta ym lapdien satia shano ba kine ki arngut ki don.
Ki Pulit kila pynlong ïa ka jingtohkit ban lapdien ïa kane ka samla bad kila register ïa kane ka case ha thanad Mairang hapoh ka kyndon 137(1)(b)(2) BNS, 2023 bad ka jingtohkit kala ïaid shakhmat. U la pyntip ba kane ka samla ka jrong kumba 5 phut bad ka don ïa u shñiuh uba jrong. Ka phong ïa ka blouse rong lieh ba don jingshon da ki khlur, ka jaiñkyrshah rong ktieh bad ka patlun thoh lain rong lieh rong ïong. La kyrpad ïa kino kino kiba don jingtip halor kine ki arngut, ki lah ban pyntip sha ka ophis lane ha u mobile number 6009308959. Ïa ki nongai jingtip yn sa buhrieh ïa ki kyrteng jong ki.
