Nongstoiñ, Nailar 25
Ka Sorkar Meghalaya, lyngba ka tnat jngohkai pyrthei, ka la bthah ïa ka rukom lum jingtip lyngba ka online na ka bynta baroh ki nongpynbiang jaka sah ha ka Jylla, kynthup ïa ki Hotel, ki Guesthouse, ki Homestay, ki jaka thiah & breakfast, bad kiwei kiwei ki jaka kiba kum kita.
Ha ka kyrwoh khubor la ong ba ïa kane la pyntip lyngba ka jingthoh jong ka ophis Memorandum No. Tourism/5/2021/43 dated 24th Kyllalyngkot 2024.
Shuh shuh la ong ruh ba ka rukom pynrung kyrteng ‘online’ ka pynsuk ïa ka jingbuh jingthoh ïa ki jingtip ba man ka sngi jong ka jingleit rung bad mih, kaba kynthup ïa ki jingtip ba kongsan kum ka khubor ka ong ruh ba ka jingdon jong ki nongwan jngohkai, jinglong kynthei ne shynrang, Jylla, Ri ba mih, ka jingpynshisha ïa ka jinglong, Visa, jingpynrung ïa ka phorm C.
Nangta, na ka bynta ka jingshngaiñ jong baroh, la kyrpad ïa baroh ki nongpynbiang jaka sah ba kin shim ïa ka No Objection Certificate (NOC) na ki bor pynïaid District bad ki pulit jong ka District.
Shuh shuh ka kyrwoh khubor kala bthah ïa baroh ki nongpynbiang jaka sah ha kylleng ka jylla Meghalaya ba ki dei ban register noh mardor bad bud ryntih ïa kine ki kyndon khlem da pynslem.
