Nongpoh, Nailar 25
Ha kawei ka jingjia hynnin ka step phyrngap, kawei ka ophis treikam jong u heh saipan ba ju shalan ïa u maw-it, kaba don ha 13 Mer, Jorabat jong ka jylla Assam, ka la shah lute ha ki runar kiba la kah bha ïa la ka durkhmat.
Katkum ka khubor ba la ïoh lum, la ïathuh ba katei ka jingjia ka dei ha ka por kumba 2 baje eiei mynstep ha kaba kitei ki nonglute ki la ïoh ban rung jubor shapoh da kaba pynap pistol ïa ki nongap pahara bad teh ïa u Manager da u tyllai ryngkat ka bom ka shoh ïa ki de.
La ïathuh ruh ba hadien na ka ophis treikam, kitei ki runar ki la ïoh ruh ban rung sa sha ka ïingsah jong utei u heh saipan, uba la tip kyrteng kum u Deepak Hazarika ha kaba ki la ïoh ban kyndang ïa ki almari bad ïoh ban rong ïa bun ka pisa ryngkat ki jingdeng ksiar.
Na ka liang jong ki pulit ka jylla Assam tang mar ïa ïoh jingtip halor katei ka jingjia, ki la hiar mar mar sha 13 Mer ban pynlong ïa ka jingtohkit bad ban register da ka case bad ka jingthwet ban ïoh kem ïa kitei ki runar ka dang ïaid shakhmat.
