Shillong, Nailar 25
Ka lympung ïalehkai SSA 2nd Division Football League 2025 ka la nangjam shaphrang ha kaba ka Mawpat ka la khur ïa ka jingjop hadien ba ka la pynliem noh ïa ka Lumshyiap SC da 1-0 kol ha ka lah sngi U Blei ha SSA Stadium kaba ha First Ground. Polo.
Kane la wan urlong lyngba ka shi kol ba la thep da u Riborlang Dkhar uba la thep ha ka minit kaba 58 na ka bynta ban pynlong ïa ka Mawpat ban khur ïa ki lai poiñ ha ka Group-A.
Ka jingïalehkai ha ka sngi Ba-ar ha ka Group-B kan long hapdeng ka Umphyrnai SC pyrshah ïa ka Smit SC ha ka por 11:15 mynstep.
