Imphal, Nailar:
Ka Committee on Tribal Unity (CoTU), Sadar Hills, ka la pynpaw ïa ka jingsngewkhia kaba jur halor ka jinglait jong ki Audio tape kiba la donkti bad u Myntri Rangbah barim ka jylla Manipur, u N Biren Singh, uba la shah kynnoh ba u la kren beiñ ïa ki jaitbynriew riewlum. Ka seng ka la dawa ïa ka jingkitkhlieh na ki bor synshar jylla bad ki bor synshar ka sorkar pdeng, da kaba ban jur ba ka “synshar aiñ ka dei ban jop.”
Kine ki jingring sur, kiba ka CoTU, ka kam ba ki la shah bishar bniah da ka Truth Labs Forensic Science Services, la ïathuh ba ki don ka jingmaham kaba 93 percent, ba ki long kiba shisha. Katkum ka jingong jong katei ka kynhun, ki jingkren ki ïadei beit bad ka jingïakynad jaitbynriew kaba la pynkhihwin ïa ka Manipur ha u bnai Jymmang, 2023, kaba la pynsah kynmaw ha ki riewlum jong ka jylla.
“Ïa kine ki jingpynpaw ym lah ban pynduh noh. Kane kam lah ban ïaid khlem kut,” ong ka CoTU ha ka jingpynbna ha ka 24 tarik u Nailar, da kaba kyntu ïa ki jaka pule ban leh da kaba kut jingmut.
Ki jingpynpaw ki mih tang shisngi shwa ba ka ïingbishar ba hakhliehduh kan bishar ïa ka mukotduma (Civil) No. 702/2024, ba la mudui da ka Kuki Organisation for Human Rights (KOHR).
Ka jingujor, kaba la buh kyrteng ban bishar ha ka Kashari No. 13 ha ka 25 tarik u Nailar, ka pan ka jingkitkhlieh na ka bynta ki jingleh donbor ba la thmu pyrshah ïa ki jaitbynriew riewlum. Ka hok bad ka jingsiew bai lutksan na ka bynta ki lanot bad ka jingtohkit ba laitluid halor ki kam pyntriem ba la kyrshan da ka sorkar.
“Ki paidbah jong ka Manipur khamtam ki jaitbynriew riewlum jong ka ki dawa ïa ki jubab, ka jingkitkhlieh, bad khamtam eh, ka hok. Ngi khot ïa ki bor bishar, ki lad pathai khubor, ki sengbhalang, bad baroh ki bor synshar paidbah ban phai ha ka jingïatylli bad ban pynneh ïa ka synshar aiñ.”
