Aizawl, Nailar:
Kum shi bynta jong ka jingpyntreikam kaba kyrpang jong ka sorkar Mizoram pyrshah ïa u drok, ki heh pulit bad ki nongïalam ka Central YMA ha ka 25 tarik u Nailar ki la leit ban jngoh ïa ki shnong kiba bun ha khappud Myanmar ha ka district Champhai ban pynkhlaiñ ïa ka jingpynsngewthuh bad ka jingpeitngor pyrshah ïa ka jingshalan tuh ïa u drok.
Kane ka kynhun ba la ïalam da u IGP jong ki pulit ka Mizoram u H. Ramthlengliana ka la pynlong ïa ka jingïalang bad ki nongïalam ka thaiñ ha ki shnong Tlangsam, Zote, Ngur bad Bulfek. Kum kine ki prokram pynsngewthuh paidbah kin dang bteng ha Hnahlan, N. Diltlang, Khuangphah bad Vaikhawtlang, bud sa ka Sesih, Lianpui, Leisenzo, Vangchhia, Vaphai, Saikhumphai bad Farkawn.
