Guwahati, Nailar:
Ki pulit jong ka Sribhumi ki la ïoh kurup ïa ki mar kiba bun bha jong ki dawai YABA ha ki ar tylli ki jingkhynra ba kyrpang ha ka miet jong ka sngi Saitjaiñ ha Assam. Da kaba leh katkum ki jingtip ba kyrpang, ki kynhun pulit ki la kem ïa ki briew kiba la suba ba ki don ïa u dawai YABA bad ki la kurup haduh 20,000 tylli ki dawai YABA.
Ka jingshalan ka shongdor palat T.3 klur ha ka ïew ka hat jong ki ri ka pyrthei. Ki la kem ruh ïa arngut ki briew kiba ïadei bad katei ka jingkurup.U Myntri Rangbah ka Assam u Himanta Biswa Sarma u la ïaroh ïa ki pulit kiba ïai bteng ban trei shitom.
“Ka jingkhynra ba khlem sangeh pyrshah ïa u drok ka dang ïai bteng. Ha ki ar tylli ki jingkhynra ba kyrpang ba la pynlong da ki pulit ka Sribhumi, ki ophisar ki la ïoh kurup haduh 20,000 tylli ki dawai YABA kiba shongdor palat ïa ka 3 klur tyngka ha ka miet jong ka sngi U Blei. Ki la kem ïa arngut ki briew ha ka por ba pynlong ïa ka jingkhynra.”
Ha ki ar tylli ki jingkhynra ba kyrpang ba la leh da ki pulit ka Sribhumi, la ïoh kurup haduh 20,000 tylli ki dawai YABA kiba shongdor palat ïa ka T.3klur, hynnin ka miet.
Ki heh pulit ki dang tohkit ïa ki briew kiba la shah kem ban lap ïa ka kynhun kaba kham heh kaba donkti ha kaba shalan tuh ïa ki tablet.
Ki bor pynïaid ki suba ba ïa kitei ki dawai kuli la khaïi na shiliang khappud. Ki riew shemphang ki dang eksamin mynta ïa kitei ki mar ba la khang pyrshah.
Ha kine ki khyndiat snem ba la dep, ki pulit ka Assam ki la pynjur ïa ka jingïakhun pyrshah ïa u drok.
Ki la kurup ïa u drok uba bun, ki la kem ïa ki nongdie drok, bad ki la pynpra ïa ki jaka khaïi drok ha kylleng ki bynta bapher bapher jong ka jylla.
