Shillong, Nailar 26
Ka Meghalaya Cricket Association (MCA) ka la pyllait paidbah biang sa shisien ïa ka thup kyrteng jong ka kynhun U-19 women’s cricket, kaba la wan lyngba ka kaiphod kaba la aiti da ka Junior Women’s Selec -tion Committee, kaba la pynbna ïa ki kyrteng jong ki 25 ngut ki ‘thei ïalehkai, ki ban pynkhreh ban mihkhmat ïa ka Jylla ha ka samoi ïalehkai 2025-26 ban sa wan jong ka BCCI.
Ha kane ka kynti, ka jingjied ïa ka kynhun ki ‘thei ïalehkai ka dei da kaba pynshong nongrim ruh ïa ka jinglah ban ïalehkai bha ka jong ki ha ka samoi ïalehkai 2024-25 bad ha ka juh ka por ha ka jingdon bynta ka jong ki sha ka jingpyrshang (trial) ba la pynlong da ka MCA.
Kumta haba ïadei bad kane, ka MCA kan pynkhreh ïa ka jingpyrshang kaba ar jong ka, ka ban long naduh ka 15-19 tarik u Nailur ha Nongkhrah, Ri-Bhoi District bad hadien kane yn sa bynrap bad ka jingpynkhreh (preparatory camp).
Ha kane ka kynti, kane ka kynhun ïalehkai U-19 kan khreh ban mih madan ban ïa aireng ha ka lympung ïalehkai U-19 Women’s T20 Trophy jong ka BCCI ka ban long ha ka 26 tarik u Risaw bad ka U-19 Women’s One Day Trophy ka ban long ha u Nohprah.
Ki kyrteng ki ‘thei ïalehkai ka Jylla ki long ka Monica Singh, Chean-chi Kambesa Sangma, Chigesanora Marak, Jayshree Singh, Marme M Sangma, Adalyne F Lyngkhoi, Namesha A Marak, Beneros D Shira, Adelakmen Lawai, Joanna Pyngrope, Banchila Marak, Yoolang Suting, Eliza Lyngdoh, Dawanshisha Warlarpih, Rosabel Lyngkhoi, Isha Ray, Jennifer Fancon, Ronjoli Basumatary, Rafinia Ryntathiang, Steffinie Sohshang, Fennysha Nongrum, Shreya Marak, Julitha Marak, Dejianna M Sangma bad ka Mendy Adrena Mawlong.
