Shillong, Nailar 26
Ki kynhun ïalehkai na Assam bad West Bengal ki la jam sha ka final ha ka Junior Girls’ U-17 jong ka Subroto Cup International Football Tournament bad kin ïaknieh ïa ka nam lahduh ha ka 28 tarik mynta u bnai ha nongbah Delhi.
Ha ka jingïakhun semi final kaba nyngkong kaba la long ha ka lah sngi U Blei, ka Betkuchi High School na Assam ka la lah ban pynliem noh ïa ka Lal Bahadur Shastri Memorial HSS na Kerala da 4-1 kol.
Ha kawei pat ka semi final kaba ar, ka Nandajhar Adibashi Pashili High School na West Bengal ka la jop da 1-0 kol ïa ka PM Shri GGSSS Mangali na Haryana.
