Nongpoh, Nailar 27
Ka jingther jong u ‘lapbah uba jur ha ka janmiet jong ka sngi Balang kala pynlong ïa kiba bun ki bynta jong ka surok bah na Byrnihat ter ter shaduh ki bynta jong ka thaiñ Khanapara ba kin dap bad shlei da ka um, kaba la buh jingeh shikatdei ïa ki paidbah nongleit nongwan.
Katkum ki durkhih kiba la ïoh lum, la ïohi ïa ka jingshlei um ha ka surok kaba rung na surokbah sha Killing bad ruh ha ki bynta jong ka thaiñ Khanapara bad ruh ha ki bynta jong ka thaiñ Byrnihat.
Kane ka jingjur jong u slap ka dei kaba la kham jur bad kham heh haba nujor ïa ka jingshlei um ha ki por slap kiba la leit noh, ha kaba ki bynta jong ka surokbah ha jingkieng Jorabat ka la jan taplup wat ïa ki kali saw shaka kaba la pynlong ïa ki briew bad nongñiah ha kitei ki kali ba kin hap ban shu jngi ban poi sha ki jaka kiba shngaiñ bad lait na ka um.
