Shillong, Nailar 27
Ka lympung ïalehkai 2nd Division Football League 2025 ba la pynïaid da ka Shillong Sports Association (SSA) ka la nangjam shaphrang ha ka sngi Balang ha kaba ka Mylliem Lum SC ka la khur ïa ka jingjop hadien ba ka la lah ban pynliem noh ïa ka Jongksha SC da 2-1 kol.
Ha kane ka jingïakhun kaba la long ha SSA Stadium Polo, ka Jongksha ka la ïoh ban pynkhih jar nyngkong eh lyngba u Wanlambok Kharumnuid ha ka minit kaba 24. Hynrei hashwa ban kut jong ka kylla step, ka Mylliem Lum ka la pynphai kylla ar kol lyngba u Shaiborlang Kharkrang ha ka minit kaba 42 bad u Sbinstar Jana (45) bad ban khur syndon ïa ka jingjop.
Haba phai sha kawei pat ka jingïalehkai hapdeng ka Tynring SC bad ka Mawryngkneng SC ki la ïakhaid mar 2-2 kol.
Na ka Tynring la thep da u Jesleysoy MylliemPdah (34) bad u Torilang Wanñiang (54). Katba na ka Mawryngkneng la thep da u Wanbha War (23) bad u Rishot Sari (90+5).
