Shillong, Nailar 28
Ki Pulit jong ka West Garo Hills District ki la lah ban pynshitom ïa ki briew kiba shah kynnoh ha ki 27 tylli ki mukotduma bapher bapher kiba ïadei bad ki kam runar pyrshah ïa ki kynthei khynnah naduh u snem 2022 haduh 2025.
Katkum kane, ki briew kiba shah kynnoh ki la shah pynngat ha ka ïingbishar jong ka district hapoh ki kyndon aiñ bapher bapher jong ka IPC bad POCSO Act.
Na ki 27 tylli ki mukotduma, 5 tylli ki la rai pynrem ha u snem 2022, 4 tylli ha u snem 2023, 11 tylli ha u snem 2024 bad 8 tylli ha u snem 2025.
“Ka jingjop ka pyni ïa ka jingaiti kaba bteng, ka jinglong ba shisha bad ka jingaiti lut jong ki ophisar tohkit jong ka West Garo Hills ha kaba pynthikna ba ka hok kan poi sha ki nongshah lehbeiñ ha ki kam runar bad ba ki nongleh kam sniew kin shah rah hakhmat ka aiñ,” la ong u heh pulit jong ka district, u AT Sangma ha ka sngi Palei.
“Ka pynpaw ruh ïa ka jingpyrshang ba bteng jong ki pulit jong ka West Garo Hills ha kaba pynkhlaiñ ïa ka rukom bishar ïa ki nongleh kam sniew lyngba ka jingtohkit kaba bniah bad ka jingbuddien kaba thikna ha ka por ba bishar,” u la bynrap.
