Shillong, Nailar 28
Kawei ka kali Mahindra KUV 100 kaba don ïa u number ML05-N-1247 ka la leit tynrah ïa ka kynroh kaba don hakhmat khyrdop jong ka MLA hostel, Khyndailad kaba la jia ha ka sngi Palei ka 28 tarik mynta u bnai ha ka por 3:30 janmiet.
Katkum ka jingïathuh ki riew paidbah kiba ïohi, kane ka kali ka la leit tynrah ïa ka kynroh ka dei namar ba u nongñiah uba la kham rangbah u don ka jingshitom naba kiew kynsan ka ‘blood pressure’ haduh ba um tip briew shuh.
Ha kane ka kali ki don kumba san ngut kiba shong na jylla Assam kaba wan na ki thaiñ SBI ban leit sha Khyndailad hynrei ka la leit tynrah noh ïa ka lynti ïaid kjat.
Mar kumta ki briew kiba ïohi ïa kane ka jingjia ki la ïarap ban sei ban phah pynkit noh sha Civil Hospital.
