Shillong, Nailar 28
U Myntri ka tnat Excise, u Bah Kyrmen Shylla, u la ong ba shen ka Sorkar kan sa pyntreikam noh ïa ka rukom treikam da u ‘QR code based tracking system’ ha ka tnat Excise ban pynthikna ba kan nym don kano kano ka jinglait tuh jong ka khajna.
U Bah Kyrmen u la ïathuh ïa kane sha ki nongthoh khubor ha ka sngi Palei ba ïa ka por ba khatduh la buh ha u bnai Nailar. Hynrei la pynjlan ïa ka por namar ka jingkyrpad na ki nongdie bad ka jingdonkam ban don lang u Myntri Rangbah ka Jylla ha kane ka jingpyllait paidbah.
U Myntri u kyrmen ban pynmih ïa ka rukom buddien da u QR code shwa ban sdang ka dorbar jong ka ïingdorbar thawaiñ kaban sa wan, katkum ka jingdon jong u Myntri Rangbah ka Jylla.
Haba kylli, u Bah Kyrmen u la pyntip ba ka tnat ka la trei shitom ban tam ïa ka jingïoh lum khajna jong u snem ba la dep.
Watla um shym la don ryngkat bad u ïa ki jingkheiñ kiba thikna, hynrei u Myntri u la pynthikna ba ka tnat ka ïaleh ban pynurlong ïa ka jingthmu jong ka.
