Jowai, Nailar 28
U Kyrkhudametre Ryng-khlem u la khyrwit da ka hat-trick na ka bynta ban pynlong ïa ka Loom-soiung Newhill ban pynliem ïa ka Panaliar da 4-0 kol ha ka lympung ïaleh-kai 2nd Division Football Tournament ba la pynïaid da ka West Jaiñtia District Sports Association (WJDSA) ha ka sngi Palei ha Kiang Nangbah Stadium, Jowai.
Ha kane ka jingïa-khun, u Kyrkhudametre u la khur ïa katei ka hat-trick hadien ba u la thep marwei haduh saw kol ha ka minit 17, 49, 63 & 77.
Haba phai sha ka jingïalehkai jong ka 3rd Division, ka Lumkhangdong Kyndongtuber ka la pynliem da 1-0 kol ïa ka Mookaswan Dongwah. Ïa kane ka kol la thep da u Fourki Shyrmang ha ka minit kaba 54.
Ha ka jingïalehkai kaba bud hapdeng ka Myrjai bad ka Da-i-hi Mynsngat ki la ïakhaid mar 2-2 kol. Ïa ki kol na ka bynta ka Myrjai la thep da u Treilang Kyndait 10 & 65, katba na ka Da-i-hi Mynsngat la thep da u Marjan Shylla (40) bad Richard Mukhim (67).
Ha kawei pat ka jingïalehkai, ka Pateinki Sabahmuswang ka la jop da 1-0 kol ïa ka Sohmyn-ting Dongnein. Ïa kane ka shi kol la thep da u Wanriky Lyngdoh ha ka minit kaba 40.
