Nongstoiñ, Nailar 28
Ka lympung ïalehkai Super Division ba la pynlong da ka Mawshynrut Sports Association ( MSA) ka la nangjam shaphrang ha ka sngi Palei ha kaba ka Umdang bad ka Riangdo RYSCA ki la khur ïa ka jingjop.
Ha kane ka jingïakhun kaba la long ha madan Mawsyrpat kaba hap hapoh ka Mawshynrut Civil Sub Division, ka Umdang ka la pynliem noh ïa ka Tyllilang da 2-0 kol, katba ka Riangdo RYSCA ka la jop da 2-1 kol ïa ka Tynrongmawsaw.
Katkum ka kyrwoh na ka MSA, la ong ba ki kynhun kiba la ïashim bynta ha ka Super Division ki don kumba 10 tylli. Kine ki kynthup ïa ka Riangdo RYSCA, Tynrongmaw -saw ,Tyllilang, Seinduli -I, Nong-daju, Umdang, Langshonthiang, Mawpun-H, Banglapluh bad ka Janepih.
Lah ban kdew hangne ba ïa ka lympung ïalehkai Super Division jong ka MSA la sdang naduh ka 16 tarik mynta u bnai.
