Shillong, Nailar 28
Ka Junior Men’s Selection Committee jong ka Meghalaya Cricket Association (MCA) ka la pyllait ïa ki 30 ngut ki rangïalehkai Under-19 ki ban mihkhmat ïa ka Jylla na ka bynta ki lympung ïalehkai 2025-26 ban pynïaid da ka BCCI.
Ha kane ka aïom yn sdang ha ka 9 tarik u Risaw da ka Vinoo Mankad Trophy, kaba long ka jingïalehkai ‘one day’, ha kaba yn bud sa ka Cooch Behar Trophy naduh 16 tarik u Naiwieng mynta u snem.
Katei ka kynhun ki nongjied ka MCA ka la pynshong nongrim ïa kane ka thup hadien ba la bishar bniah ïa ka jingïalehkai jong ki nongïalehkai ha ki jingïalehkai ‘selection trial’ ba la pynlong dang shen bad kumjuh ruh ïa ki jinglah ban pynpaw ïa ki jingtbit ha ka samoi ïalehkai jong ka BCCI 2024-25 bad 2023-24.
Ki ar ngut ki nongïalehkai kiba la shah pynrung shipor ha ka thup jong ka MCA ki long u Jarrett M Wanñiang bad u Manthan Gupta. Ka jingdon jong ki ha ka thup ba la jied ka shong ha ka jingpynbna na ka BCCI ha kaba ïadei bad ki jinglah ban ïalehkai bha jong ki ha ki jingkawang bol.
Ka wat kaba ar jong ki jingïalehkai ban jied biang ïa ki nongïalehkai kan long naduh 8 haduh 13 tarik Nailur ha Jagiroad, Assam, ha kaba yn bud sa ka jingïalehkai ban pynkhreh ïa ka kynhun hashwa ban sdang kitei ki lympung ïalehkai.
Ki 30 ngut ki rangïalehkai kiba la don hapoh ka thup ki long u Angkit Tamang, Rudra Singh Rathore, Jarrett M Wanñiang, Yash Harlarka, Paisal Ali, Mewankitbok Kharpuri, Gaurav Jyoti Thakuria, Rohit Sharma, Grish Raj Ray, Apandanka R Marak, Gaurav Narleng, Dipayan Nandi, Namewanki Pakynteiñ, Sameer Choudhary, Bishesh Chettry, Damechwa Khongsngi, Jamesbirth Sangma, Aristo Marak, Ashish Kumar Lohar, Mannan Surana, Namgrik K Sangma, Aryan Kumar Rai, Heiyoomiki Ryngkhlem, Krishwal Marak, Abagtha Marak, Manthan Gupta, Benedict Jones Makdoh, Benhaden M Marak, Rimtora D Shira bad u Jeristo R Marak.
