Shillong, Nailar 28
Ka khlur ïalehkai badminton ka PV Sindhu ka la jam sha ka quarter final ha ka jingïalehkai para marwei jong ka BWF World Championships 2025 kaba la long ha ka sngi Palei.
Kane ka la wan hadien ba ka la lah ban pynliem noh ïa ka nong-ïalehkai na China ka Wang Zhi Yi, kaba la bat ïa ka kyrdan ba-ar ha ka pyrthei, da 21-19, 21-15 ha ka pre-quarter final ha Paris.
Ha ka jingïakhun jong ka wat kaba nyngkong baroh ar ngut kitei ki nongïalehkai ki la lehkai bha naduh kaba sdang ha kaba ka jingïakhun kaba la long kaba ïakhaid bha. Kumjuh ha ka wat kaba ar ka jingïakhun ka la long kaba kham itynnad shuh shuh, hynrei hadien ka Sindhu ka la lah ban pynurlong na ka bynta ban jam sha ka quarter final.
