Ki don ki nongmihkhmat kiba lehbha bad kiba wanrah shibun ki kam pynroi pynpar ha ka konstituensi. Hynrei ïa kiba kum kita ki paidbah nongjied (voter) ki leh bym tip bad ki da kyntait noh. Balei namar ki bun ki khwan myntoi kiba kwah satang ka ïoh ei. Ki kwah ba u nongmihkhmat un wan ai eiei ïa ki shimet, kim kwah ba un wanrah development ïa ka konstituensi. Kumta bun kito ki nongmihkhmat kiba trei shitom bad kiba wanrah ki kam pynroi pynpar ïa ka konstituensi ki shah rem noh.
Ki kwah ïa u khleiñ la thang jwat ban bam, uno uno u nongmihkhmat uba leh bha u da trei shitom ban ai jingïarap katba lah ei ban pynbiang ïa ki jingdonkam hapoh ka kontituensi.Hynrei ah ka apot aiu kum u nongmihkhmat uba leh bha u shah kynshi bad shah phareb bamsap ïa ka pisa u paidbah bad u shah rem kput ha ka ilekshon. Kumta da peit bha ho lieh ngi dei ban sait khuid shuwa ïa la ki kti ban thep vote ban ïoh ïa u nongmihkhmat uba wanrah ïa ki kam pynroi hapoh ka konstituensi. Ym ban shu kwah tohhoh ïa kaei kaei ka bym lah ban ïoh. U nongmihkhmat uba leh bha ngi dei ban bat kumba san term bad u bym leh bha ngi dei ban ai lad tang shi snem.
C. B. Iawphniaw
