Argentina, Nailar:
Ha ka sienjam kaba thmu ban kyntiew ïa ka kam jngohkai pyrthei bad ban pynskhem ïa ka jingïadei para ri, ka sorkar Argentina ka la pynbna ïa ki kyndon rung ba la pynsuk na ka bynta ki nongshong shnong jong ka ri India kiba don ïa ki Visa US kiba dang treikam.
Katei ka aiñ thymmai, kaba la pynmih ha ka Official Gazette, kan ailad ia ki briew kiba don ia ki passport jong ka ri India, ba kin ioh ia ka Visa Argentina lane ka Electronic Travel Authorization (AVE) lada ki don ia ka visa jngohkai pyrthei kaba mynta na ka bynta ka America.
Kat kum ka jingthoh ba la buh da ka sorkar, kane ka rai kan treikam ïa ki nongbat passport ba rit paid, ha kaba ka National Immigration Directorate ka dei kaba la bynshet ban pynshisha ïa uwei pa uwei u nongleit- nongwan lyngba ka jingïatreilang bad ki bor ba dei khmih hashwa ban ai jingbit ban rung.
Kane ka jingleh kylliang ka pynpaw ia ka rukom ai jingbit ban leit jingleit (ETA) kaba la don lypa ha ka ri India, kaba ki nongshong shnong jong ka Argentina ki la dep ban ioh khlem jingsiew na ka bynta ki kam jngoh kai pyrthei.
Kine ki sienjam ki pyni ia ka buit ba sha lyndet jong ka Argentina, ban khring ia ki nongwan jngohkai pyrthei bad ban pynkhlaiñ ia ka kam jngohkai pyrthei hapdeng ki jingpyrshang jong katei ka ri ban kyntiew ia ka ioh- ka kot jongka. U Secretary ka tnat kam jngoh-kai pyrthei jong ka Argentina, u Daniel Scioli, u la iaroh ia katei ka rai ha ka rynsan X ba ju iatip paidbah kum ka ‘Twitter’, da kaba ong ba kane ka aiñ kan kham kyntiew ia ka kam jngoh-kai pyrthei bad ban kyrshan ia ka ioh- ka kot jong ka Argentina.
