Shillong, Nailar 29
Ka lympung ïalehkai Second Division Football League 2025 ba la pynïaid da ka Shillong Sports Association ka la nangjam shaphrang ha kaba ka Umpling SC ka la khur ïa ka jingjop ha ka sngi Thohdieng.
Ha kane ka jingïakhun kaba la long ha SSA Stadium Polo, ka Umpling ka la pynliem noh ïa ka Lumshyiap SC da 2-1 kol.
Tang mar ïasdang ka jingïalehkai, ka Umpling ka la pynkhih jar nyngkong eh lyngba u Ïalam Kshiar ha ka minit kaba 6 bad ïa ka kol kaba ar la thep da u Adoni Riwan ha ka minit ba 19. Hadien katto katne por ka Lumshyiap ka la lah ban pynphai kylla shi kol lyngba u Kitbok Maskut (44) hashwa ban kan mad ïa ka jingshah rem.
Haba phai sha kawei pat ka jingïakhun kaba la long kham hashwa hapdeng ka Marbisu SC bad ka Laitkyrhong SC ki la ïakhaid mar 1-1 kol. Ka Marbisu ka la pynkhih jar nyngkong lyngba u Ïateibor Kurbah (32), hynrei u Shngaiñ Surong (51) u la lah ban pynïakhaid kylla na ka bynta ka Laitkyrhong.
Na ka liang ka SSA ka la pynbna ba kan pynlong ïa ka jingïakhun final jong ka SRGT 3rd Division Football League 2025 hapdeng ka Umlyngka SC pyrshah ïa ka Mawkriah West SC ha ka sngi Saitjaiñ ha ka por 4:30 nohphai sngi.
