Mawkyrwat, Nailar 29
Ka South West Khasi Hills District Badminton Association (SWKHDBA) ka la pynpaw ka jingsarong halor ka jingshah jied ka ‘thei ïalehkai Under-19 katei ka thaiñ, ka Deidaphi Marpna na ka bynta ban mihkhmat ïa ka jylla Meghalaya sha ka North East Inter Zone Badminton Championship 2025 ka ban sa long shen ha Agartala kaba ha Tripura.
U President katei ka synjuk u Bah H.S Diengdoh ha ryngkat ka jingdonlang u Bah Tidy Wahlang, Secretary, ki dkhot ka synjuk ki la ai ka jingkyrkhu kyrdoh ryngkat ka jingkitbok kitrwiang ïa katei ka samla hashwa na kan mih na shnong ha ka 2 tarik u Nailur ban leit shim bynta sha katei ka lympung.
