Jowai, Nailar 29
Ka Lumpyrtuh SC ka la khur ïa ka jingjop ha ka lympung ïalehkai 8th Debo Shullai Memorial Trophy na ka bynta ka 2nd Division Football Tournament 2025 ba la pynïaid da ka West Jaiñtia District Sports Association (WJDSA), hadien ba la lah ban pynliem noh ïa ka Nangbah SA da 2-1 ha ka sngi Thohdieng.
Ha kane ka jingïa-khun kaba la long ha Kiang Nangbah Stadium, baroh ar ki kynhun ki la poyrshang ban ïakhun tyngeh naduh kaba sdang. Ka Lumpyrtuh ka la pynkhih jar nyngkong lymgba da u Remember Lamare ha ka minit kaba 25. Hynrei hashwa ban kut ka kylla step ka Nangbah SA ka la pynïakhad kylla lymgna u Heinipaïa Pasi ha ka minit kaba 43.
Hynrei ka Lumpyrtuh ka la ïoh ban thep biang ha ka kylla miet lymgba u Arwan Rymbai ha ka minit kaba 72 na ka bynta ban khur syndon ïa ka jingjop.
