Jowai, Nailar 31
Ka West Madan Mustem bad Khliehmynkrem ki la khur jingjop ha ka 3rd bad 2nd Division Football Tournment ba la pynïaid da ka West Jaiñtia District Sports Association (WJDSA) ha ka sngi Saitjaiñ ha Kiang Nangbah Stadium, Jowai.
Ha ka jingïalehkai 3rd Division, ka West Madan Mustem ka la pynliem noh ïa ka Chyrmang da 3-1. Tang mar ïasdang ka jingïalehkai ka West Madan Mustem ka la ïoh ban pynkhih jar nyngkong eh ha ka minit kaba 6 lyngba u Sumi o Tariang. Hynrei tang hadien katto katne por ka Chyrmang Wah ka la pynïakhaid kylla lyngba u Apros Dkhar ha ka minit kaba 18.
Hadien katto katne por ba la bteng ïa ka jingïakhun jong ka kylla miet, ka West Madan Mustem ka la ïoh ban thep biang sa ar kol lyngba u Nineciful Shylla ha ka minit kaba 48 & 55 na ka bynta ban khur syndon ïa ka jingjop.
Ïa ka jingïalehkai kaba bud hapdeng ka Loomiongkjam bad Mookaswan Dongnein la hap ban pynsangeh namar ka jingther u lapbah.
Haba phai sha ka jingïalehkai jong ka 2nd Division, ka Khliehmynkrem ka la pynjem khnap ïa ka Caroline Colony da 5-0 kol. U Marle Khlem u la khur ïa ka hat-trick hadien ba u la ïoh ban thep ha ka minit kaab 1, 72 & 79, katba ïa kiwei pat la thep da u Wanskhem Khlem (3) bad u Niwon Syad (51).
