Shillong, Nailar 31
Ka ïingbishar Meghalaya High Court kala bthah ban pynbteng shuwa ïa ka hukum ba shipor ba bthah ïa ka Sorkar Pdeng ban pdiang ïa kiwei pat ki kot ki sla ban pynithuh ïa ki briew ki bym lah ban ai ïa u Aadhaar number lane ka card.
“Ka hukum ba shipor jong ngi ba 21 tarik Naitung, 2025, ka bthah ïa ki bor Sorkar ban pdiang ïa kiwei pat ki kot ki sla ba lah ban pynithuh ïa ki briew tad haduh ba kila ïoh aadhaar card,” ong ka division bench ba kynthup ïa u Chief Justice IP Mukerji bad Justice W Diengdoh ha ka hukum ba pynmih ha ka sngi Saitjaiñ ka 30 tarik Nailar, 2025 hadien ba shong bishar ïa ka PIL u Greneth M Sangma.
Ka Unique Identification Authority of India (UIDAI) kala file ïa ka affidavit ban pyrshah wat hadien ka jingbthah halor kane la leh da kane ka ïingbishar.
Ïa ka PIL la buh ban sa shong bishar biang ha ka 17 tarik Nailur, 2025.
